Microbiologic Comparison of Dental Handpieces 2. Aerosol Decay and Dispersion

Abstract

SYNOPSIS IN INTERLINGUA COMPARATION MICROBIOLOGIC DE DENTAL PECIAS DE MANO: DECOMPOSITION E DISPERSION DE PARTICULAS DE AEROSOL.-Esseva construite un simulate situation de operationes dental in le qual le ventilation e le dilution aeree poteva esser regulate pro le objectivo de studiar le effecto de aerosol producite per pecias de mano propulsionate (1) per corregia e (2) per turbina a aere. Un frescamente extrahite tertie molar esseva montate in un dispositivo de cauchu attachate al appoio-capite del sede operatori. Illo esseva equipate con un cophino de cauchu e un adjustate suspension de Serratia marcescens. Placas de Petri sin copertura e collectores de specimens de aere del typo Andersen esseva arrangiate in un configuration semi-circular o linear relative al dente montate. Durante le uso del pecia de mano a propulsion per corregia, practicamente nulle particulas de aerosol continente le organismo indicatori esseva detegite. Tamen, le numero de nucleos de guttetta in le ordine de magnitude de approximativemente 5μ o minus-un magnitude capace a penetrar ad in le spatios alveolar-accresceva con le distantia ab le dente, durante que le numero total de particulas de aerosol declinava con le accrescentia de ille distantia.